هذه القصيدة الرائعة
للشاعر الكبير ايهاب المالكي
تتحدث عن الموقف المشين لبعض الدول
ضد العراق وتصف الواقع المؤلم الذي مر به
العراق
اترككم وية القصيدة
وانة اشعر سلامي مختلط بي غـــــل
صاحولي الاخو سامع بشي ؟زعـلان
كل احنة بخدمتك حاضريــــــــن الكل
كلتلهم بعد لمن كضت ماريد ؟؟
اخو وكت النفاهه بالشدد يجفل
شلت حملي بلا مااصيح عونة ويـاي
لغير الله ركبتي ماردتهه اتــــــــــذل
ثكيل الحمل صح بس يمكم اتناســاه
واعدل متني كوه حـــــــــتى لايهدل
وامر من بينكم واسمعكم تكولــــون
واضـــــــح من مشيته مو ثكل يحمل
وانه حدر العباه ديرة يتم ضميت
جن ضمت رسالة جايه من الخل
انه بملجا عباتي ايتامي اضمهم دوم
هيج اسكف عباتي حتى اكبـــر الظل
سمعوبي ولكن شوف ماشـــــــــوفو
جربو انتو اسئلوهم شايفينة الــــذل
يكفلون اليتم ايتامي هيج سبـــــــاع
شايفلك يتامة بالتيم تكــــــــــــــــفل
يبجون الصخر بس همــه مايبجون
بس عل اليتامه عيونهم تهمـــــــــــــل
اريد البس هدم ماينطي منه خيوط
خيط يجرله خيط وينتهي ويهـــــزل
انه الشعب الذي ماشاكفت بجـفوف
حتى بالسواتر ارفض انه اخـــــــتل
نعم محتل ولكن لاحتلالي اســــباب
وصلتواليــــــــــــــــــــه حتى لايبذل
جــهد كولو البوارج وصلــتنه شلون
من دمنة البوارج مايـــــــمن يغسل
فجرتو الهمر عندي وبنص السوك
يم باب الـــــمدارس والاطفال اتحل
بنفس القنبلة اتطكون عصفورين
هم تضعف امريكا والعراق يــــــــقل
لو يصبح فعلكم كد خطبكم جــــــــا
تستجرء امريكـــــا والهمرتدخل
لكن بس حجي وبالبيت الابيــض غير
طافيــــــــــــــــن وعلي دخـــانكم يفتل
افزعكم صحــــت ياعــــرب حيهم وين
شمايرتــــــــفع صوتــي ركابكم تنزل
حتى الخيل من تســـمع حـركت الذيب
ماتهجم ولكــــــن على اقــــــــــــل تصهل
هبت بس هدت وجفلت ريح الموت
وانا هبيت بيهه ومـــــــن اهب تجفل
وفرزنته الركض من بيــــــه شبت نار
شايل ماي بيدة بــــــس لكوه يشــــعل
الوح الشمس ماين دون مادك باب
اخـــــــــــذ من ضواهه للعرف واعزل
انه بالمطرقة من اطرق الغيرة اتصيح
مولاي بقيافه زي حرس تدخــــــــــــل
وامرهه اذن فاتي بـــــــــراس الخوف
تجــــــــب سمعا وطاعة والراس يمثل
لقنت القـــــــــــــــــنابل درس ماتنساه
وكد ماخوفتهـــــــــــــــــه بالغلط تنزل
واسمعهه لمه تكل للرماهــــه ارجوك
دم البي حمية محتــــــــــــــــــمل يكتل
عراق انه انلفظ من غير ال تعريف
ضافوني عليهـــــــه حتى اعرف الال
انه اضعاف الرباع محللــــــة الزينات
الي وماكالي الله بــــــــس شرط تعدل
لذلك قررت بالـ بس اخو محسوب
مـــــــــــــن قائمة اخوتي قررت ينزل
الإثنين سبتمبر 20, 2010 9:42 am من طرف Prince Iraq
» جمل رائعة باللغة الأنكليزية
الجمعة سبتمبر 10, 2010 1:17 pm من طرف بنت الاعظمية87
» قوانين منتدى اللغة الانكليزية English Forums Rules & Regulations -||-
الثلاثاء أغسطس 31, 2010 1:00 pm من طرف Prince Iraq
» بطاقات شكر باللغه الانجليزيه ,,,,,
الثلاثاء أغسطس 31, 2010 12:56 pm من طرف Prince Iraq
» موسوعه حروف الجر في اللغه الانكليزيه
الثلاثاء أغسطس 31, 2010 12:47 pm من طرف Prince Iraq
» اوصل للخمسة واهدي لاي عضو يعجبك خاتم الماس
الأربعاء أغسطس 18, 2010 11:43 am من طرف Prince Iraq
» من واحد الــى خمسة وكول لعضو واحشني موووت ..!!!
الأربعاء أغسطس 18, 2010 11:40 am من طرف Prince Iraq
» احسب لل5 واختار عضو وحطه بالغسالة
الأربعاء أغسطس 18, 2010 11:35 am من طرف Prince Iraq
» تعالو نحطم الرقم القياسي بكل المنتديات
الأربعاء أغسطس 18, 2010 11:34 am من طرف Prince Iraq