هلووووووحبايب كلبي
هذه قصيدة من روائع الشاعر
احمد الذهبي
اترككم مع القصيدة
رهمتك علي بس ما رهمت وياي انت الما ردت شتريد اسويلك
عشرتك نجم من جان عمرك لليل اذوب واشتعل حتة ابقى اضويلك
ومن طلعت شمس خط رجعة ماخليت ما جازيتني لمن خلص لليلك
بانيلك حضرة عشك بلروح ومرقد للمحنة بروحي مني بانيلك
ردت منك مراد وخذت مني مراد عليك بجفوفي شايلهن زناجيلك
انذرلك جنت وافتر واحني لباب هسة تهدمت ياباب احنيلك
امانة أسرار عمري وبيها ما وصيك يم شباك ذنبك صاحن دخيلك
بكيفك بعد تصون الامانة تخون ما اكدر بعد اغفر وعديلك
ما بينك وبينك حيرتني وياك مرة ابجي على طبعك ومرة اغنيلك
بدلالك جن طفل بلجرح مال كبار اشد الجرح بيدي وبيدي الوليلك
لا تنصف عدل لاترضة بلمقسوم تاخذ حصتك ومن حصتي اوديلك
انت الوزعت و الفرح سهمك صار من سهم الحزن شتريد اخليلك
جبتها وياك شعرة وعاقل ومجنون كل ساعة تجرها وانا ارخيلك
شلي بهل التعب والعمر وشلة كاس من كاس العمر جم دوب ابديلك
راح اصبر بدونك وارهم بلياك واذبح رمش عيني الجان يبجيلك
وتحمل عذابك والبعد والشوك وما احط صورتك كدامي واشكيلك
ما اكلك نسيتك بس جرح بلروح يكسر واهسي وما يقبل امشيلك
عين الشالتك شيلج راح كالت شيلني وما قبلت تشيلك
جرحي الفاك صدرة مايريد خياط واكف جنة واحد جاي يدعيلك
بس مجبور ادفنك ياعشك يا شوك اقرة الفاتحة والوحشة اصليلك
بعيوني الحزن يقرونة الي يواسون الفوك الحزن لو تدري شحجيلك
شماتي اجو واسوني ثالث يوم حيل وياك كالو مدري شد حيلك
تحياتي الكم
الإثنين سبتمبر 20, 2010 9:42 am من طرف Prince Iraq
» جمل رائعة باللغة الأنكليزية
الجمعة سبتمبر 10, 2010 1:17 pm من طرف بنت الاعظمية87
» قوانين منتدى اللغة الانكليزية English Forums Rules & Regulations -||-
الثلاثاء أغسطس 31, 2010 1:00 pm من طرف Prince Iraq
» بطاقات شكر باللغه الانجليزيه ,,,,,
الثلاثاء أغسطس 31, 2010 12:56 pm من طرف Prince Iraq
» موسوعه حروف الجر في اللغه الانكليزيه
الثلاثاء أغسطس 31, 2010 12:47 pm من طرف Prince Iraq
» اوصل للخمسة واهدي لاي عضو يعجبك خاتم الماس
الأربعاء أغسطس 18, 2010 11:43 am من طرف Prince Iraq
» من واحد الــى خمسة وكول لعضو واحشني موووت ..!!!
الأربعاء أغسطس 18, 2010 11:40 am من طرف Prince Iraq
» احسب لل5 واختار عضو وحطه بالغسالة
الأربعاء أغسطس 18, 2010 11:35 am من طرف Prince Iraq
» تعالو نحطم الرقم القياسي بكل المنتديات
الأربعاء أغسطس 18, 2010 11:34 am من طرف Prince Iraq